Opisyal nang naturn-over ang Certificate of Registration sa usa ka workers’ association sa Barangay Situbo, Tampilisan, Zamboanga del Norte kaniadtong Enero 10, 2026 ala 1:30 sa hapon.
Gipangunahan ang kalihokan ni PLTCOL Edwin D. Verzon, Force Commander sa Zamboanga del Norte 2nd Provincial Mobile Force Company, uban ang R-PSB Team, sa koordinasyon ni Barangay Captain Hon. Melanio Larato Jr.
Ang sertipiko gitugyan kang Mr. Sanly Rada, presidente sa CYMPIL Situbo ALSA MASA Farmers Association, kauban ang mga miyembro sa samahan.
Pinaagi sa maong rehistrasyon, opisyal nang giila sa gobyerno ang samahan isip lehitimong workers’ association nga nagtumong sa panagtabangay, proteksyon sa katungod sa mga miyembro, ug pagpauswag sa ilang moral, sosyal, ug ekonomikanhong kahimtangan.
Kini nga inisyatiba giila isip dakong lakang sa pagpalig-on sa panaghiusa sa komunidad ug sa pagtabang sa mga paningkamot sa gobyerno alang sa kalinaw ug malungtarong kalamboan sa mga komunidad nga naapektuhan sa panagbangi.(IKEN B. GULLEM)
Source: Zamboanga del Norte 2NDPMFC