Nasikop ang usa ka suspetsado sa pagpayuhot sa ginadiling ilegal nga droga atol sa gihimong buy-bust operation sa Sibuco Mobile Drug Enforcement Team (MDET) didto sa Barangay Santo Niño, Sibuco, Zamboanga del Norte niadtong nakalabayng adlaw.
Ang maong dinakpan nga suspek usa ka lalaki, kinsa nasikop pinaagi sa operasyon sa Sibuco Mobile Drug Enforcement Team (MDET) uban ang tabang sa 2nd Zamboanga del Norte Provincial Mobile Company (ZNPMC) ug 905th MC Regional Mobile Force Battalion 9 (RMFB9).
Nasakmit gikan sa suspetsado ang gibanabana nga 0.5 gramos nga shabu nga adunay kantidad nga Php 3,400.
Ang maong operasyon nagpamatuod sa seryoso nga tinguha sa kapulisan ug lokal nga gobyerno sa pagprotektar sa katawhan ug pagpahimulos sa kalinaw ug seguridad sa komunidad.(Jumalisa Papa)
Source: Sibuco MPS