Ang mga personahe sa Piñan Municipal Police Station (MPS) gipasiugda ang operasyon sa Oplan Bakal Sita sa nagkadaiyang mga imnanan isip kabahin sa ilang kampanya batok kriminalidad ug pagpanalipod sa kalinaw ug kahusay sa komunidad, didto sa lungsod sa Piñan, Zamboanga del Norte, niadtong Setyembre 2, 2025.
Tumong sa maong operasyon ang pagkumpiska sa mga iligal nga armas ug ubang kontrabando nga mahimong hulga sa seguridad sa katawhan. Gipasabot sa kapulisan nga ang Oplan Bakal Sita usa ka preventive measure nga gipatuman aron malikayan ang posibleng mga insidente nga may kalambigitan sa paggamit sa armas sulod sa mga establisemento.
Ang maong kalihokan gipasiugdan sa Piñan PNP uban sa pakigtinabangay sa lokal nga pangagamhanan ug komunidad aron masiguro nga ang mga imnanan magpabiling luwas ug hapsay alang sa katawhan nga mosulod ug mogamit niini.
Gilauman nga pinaagi sa padayon nga implementasyon sa Oplan Bakal Sita, mapalig-on pa ang paningkamot sa kapulisan sa pagpugong sa krimen, pagpanguna sa kaluwasan, ug paghatag ug proteksyon sa tanan nga residente sa lungsod sa Piñan.(Jumalisa Papa)
Source: PIÑAN MPS