28.6 C
Manila
Friday, March 29, 2024

LGU-MisOr Giilang ‘Top Government Employer’ Sa Pag-Ibig Fund

- Advertisement -

Gipasidunggan sa PAG-IBIG Fund ang panggamhanan sa Misamis Oriental isip usa sa ‘Top Government Sector Employers’ sa pulo sa Mindanao alang sa unang hugna sa tuig 2021 atol sa gipahigayon nga virtual Stakeholders’ Accomplishment Report (StAR) karong bag-o.

Human nga gipresentar sa mga personahe sa PAG-IBIG Fund ang ilang kalampusan alang sa unang hugna sa kasamtangang tuig, misunod ang paghatag sa mga awards ngadto sa pribado ug publikong sektor diin usa ang lalawigan ubos sa liderato ni Governor Bambi Emano ang gipasidunggan.

Ang maong pasidungog nakuha tungod sa dakong kontribusyon sa panggamhanan  ngadto sa PAG-IBIG Fund sa tinguha nga magpadayun ang buhatan sa pagserbisyo sa mga miyembro niini lakip na ang pagtabang sa nasod sa gisagubang nga hagit dala sa COVID-19 pandemic.

Girepresentahan ni  Provincial Administrator Atty. Jocelyn Lood-Mateo si Governor Bambi Emano atol sa kalihokan nga gipaagi sa zoom.

Ang nasakmit nga pasidungog sa liderato ni Governor Bambi Emano usa ka pamatoud nga walay pagkalangan ug insakto ang kontribusyon sa lalawigan alang sa kaayuhan sa mga kawani ug labaw sa tanan kalamboan sa PAG-IBIG Fund. (Reymark Semaña)

(Source: Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -