Pipila ka mga residente sa Taal, Barangay Bangkal, Davao City ang naapektuhan sa pagsaka sa tubig-baha nga gipahinabo sa walay undang nga pag-ulan sa gabii sa Hulyo 24, 2026.
Base sa inisyal nga report, misaka dayon ang lebel sa baha nga maoy hinungdan nga ang ubang residente napugos sa pagpangayo og tabang. Gilayon usab silang gitabangan ug gipaluwas sa mga rescue personnel aron maseguro ang ilang kaluwasan.
Sa pagkakaron, padayon ang pagbantay sa mga otoridad sa sitwasyon samtang gina-awhag ang mga nagpuyo sa ubos nga mga lugar ug mga dapit nga kanunayng bahaan nga magmatngon ug andam sa posibleng dugang pagsaka sa tubig kon magpadayon ang kusog nga pag-ulan.(Camille Santos Naraga)(Source: Contributed)