DAVAO CITY – NAKUBKUBAN ang usa ka vintage bomb sa usa ka construction site sa ginatukod nga condominium complex sa R. Castillo Street, Barangay Lapu-Lapu, Agdao, Davao City alas-11:40 sa buntag, Lunes, Hulyo 7, 2025.
Sumala sa backhoe operator nga si Ronald, samtang siya nagkalot sa lugar diin itukod ang poste, iyang nakita ang usa ka gidudahang bomba nga dayon niyang gipasabot sa mga awtoridad.
Sa pagresponde sa mga sakop sa Mobile Patrol Unit (MPU) DC-07 ug sa Explosive Ordnance Disposal (EOD) Team, malampusong nahipos ang maong bomba ug giluwas ang lugar gikan sa posible nga katalagman.
Nagpadayon ang imbestigasyon sa klase ug pinagmulan sa bomba nga giingong posible pa gikan sa panahon sa gubat.(Camille Santos Naraga)(Source: Contributed)