DAVAO CITY -Nadiskubrehan sa mga ahente sa Philippine Drug Enforcement Agency (PDEA) ug Bureau of Customs (BOC) ang mga balikbayan box nga adunay sulod nga shabu nga nagkantidad og P749 milyon sa Manila International Container Port, Tondo, Manila.
Gipanghipos ang mga iligal nga droga nga gitago sulod sa mga karton sa cereal, snack pack, ug instant noodles nga gikan pa sa California, USA.
Gikumpirma sa PDEA nga anaa na sa ilang kustodiya ang mga nakumpiskang droga, nga ipaubos sa laboratory analysis ug case documentation alang sa pormal nga pagsaka og kaso.(Camille Santos Naraga)(Source: Contributed)