DAVAO CITY – Patay ang usa ka babaye ug kritikal ang kahimtang sa iyang manghud human silang gipanigbas sa ilang maguwang nga lalaki, nga giingong palahubog, niadtong Sabado, Hulyo 5, 2025, sa Barangay Lamdalag, Lake Sebu.
Base sa imbestigasyon sa Lake Sebu Municipal Police Station ug sa lokal nga opisyal, nasuko ang suspek human siya gisaway sa duha ka biktima tungod sa iyang kanunayng pagpanginom.
Ang napatay nakadawat og daghang samad sa lawas nga maoy hinungdan sa iyang kamatayon, samtang ang laing biktima karon gibantayan sa ospital ug nagkinahanglan og medikal nga atensyon.
Daling nadakpan ang suspek ug kasamtangang napriso sa Lake Sebu Municipal Police Station samtang nagpadayon ang imbestigasyon.(Camille Santos Naraga)(Source: Contributed)