DAVAO CITY – Gipaubos na sa Davao City Police Office (DCPO) ang imbestigasyon kabahin sa giingong pagpugsang pasakay sa duha ka babaye sa usa ka sakyanan, alas 11:30 sa gabii, Hulyo 5, 2025, sa Barangay Buhangin, Davao City, base sa kuha sa CCTV nga mikalat sa social media.
Sa maong video, klaro nga makita ang usa ka lalaki nga nagbira sa duha ka babaye nga naa sa daplin sa kalsada ug ipasulod sa puti nga sakyanan.
Sumala ni Police Major Hazel Tuazon, tagapamaba sa DCPO, sa inisyal nga impormasyon, ang duha ka babaye gipanaug sa Toril ug gihatagan og P150 nga pamasahe pauli.
Hangtod karon, wala pa mopasaka og pormal nga reklamo ang mga babaye nga giingong biktima. Ang nakakita sa insidente maoy nagpa-blotter sa Buhangin Police Station.
Nagpadayon ang imbestigasyon samtang gikuhaan og dugang detalye ang tanang sangkot sa maong panghitabo.(Camille Santos Naraga)(Source: Contributed)