DAVAO DEL SUR – Sikop sa kapulisan ang usa ka 18 anyos nga batang lalaki human gilusad ang joint drug buy bust operation nga gipangulohan ni PCpt Diosdado Niones II sa Chapter 10, Corner Lapu-lapu Street, Barangay Aplaya, Digos City.
Giila ang suspek nga si Jay Mark Bangon Suazo ug residente sa Purok Obrio, Barangay Tres de Mayo, Digos City.
Base sa report sa Digos City PNP, gibaligyaan sa suspek og usa ka sachet nga adunay sulod sa gituohang shabu ang poseur buyer rason sa pagkasikop niini.
Dugang niini, Laing 3 pa ka mga sachets nga naay sulod sa gidudahang shabu ang nasignit sa mga pulis sa possession sa suspek ug apil sa nakuha ang marked money,cellphone,lighter, sling bag ug .38 revolver.
Mokantidad tanan sa 6,150 pesos ang nakumpiskang droga gikan sa suspek.(Camille Santos Naraga) (Source: Digos City PNP)
