Usa ka 31-anyos nga lalaki ang nasikop sa kapulisan atol sa buy-bust operation nga gipahigayon sa Mati Police Station sa Purok DoΓ±a Rosa, Madang, Barangay Central, Mati City, niadtong Hunyo 4, 2026.
Ang suspek, nga giila sa alyas nga βCris,β residente sa Riverside, Barangay Central, giingong nakuhaan og gibanabana nga 0.20 gramos sa gidudahang shabu nga adunay kantidad nga β±1,360.
Matod ni Capt. Ariel Ismael, Deputy Chief of Police sa Mati Police Station, gawas sa kasong paglapas sa Comprehensive Dangerous Drugs Act, gitan-aw usab sa mga imbestigador ang posibleng kalambigitan sa suspek sa serye sa mga kawat nga nahitabo sa Martinez Subdivision sa Barangay Dahican.
Nagpahayag ang pipila ka mga residente sa ilang kabalaka tungod sa nagbalik-balik nga mga insidente sa kawat sa maong lugar. Tungod niini, gipalig-on sa kapulisan ang ilang panawagan alang sa kooperasyon sa komunidad ug pagreport dayon sa mga kahina-hinalang kalihokan.
Sa pagkakaron, anaa na sa kustodiya sa Mati Police Station ang suspek samtang nagpadayon ang imbestigasyon ug pagproseso sa mga kaso nga posibleng ipasaka batok kaniya.(Camille Santos Naraga)(Source: Contributed)