KAPALONG, DAVAO DEL NORTE โ Nasikop sa kapulisan ang usa ka giila nga drug personality atol sa buy-bust operation nga gipahigayon sa Barangay Gabuyan, Kapalong, Davao del Norte niadtong Hunyo 6, 2026.
Ang operasyon kabahin sa gipalig-on nga Simultaneous Anti-Criminality Law Enforcement Operations (SACLEO) ug gipahigayon sa hiniusang pwersa sa Kapalong Municipal Police Station (MPS), 2nd Coy RMFB 11, ug 1st DNPMFC, RPSB-Kapalong Cluster ubos sa superbisyon ni PCPT Crisanto S. Quibrar, OIC sa Kapalong MPS.
Nasikop sa operasyon ang suspek nga giila lamang sa alyas nga โAllan.โ Narekober gikan kaniya ang duha ka sachet sa gidudahang shabu nga adunay kinatibuk-ang gibug-aton nga 0.15 gramos ug gibanabana nga street value nga โฑ1,020.00. Nakuha usab sa mga operatiba ang marked money nga gigamit sa buy-bust operation.
Sumala sa kapulisan, girekord ang operasyon pinaagi sa Alternative Recording Devices (ARD) aron masiguro ang transparency ug pagsunod sa legal nga proseso.
Matod ni PCPT Quibrar, nagpakita ang maong operasyon sa lig-on nga kooperasyon tali sa kapulisan, mga ahensya sa gobyerno, ug mga miyembro sa komunidad sa kampanya batok sa ilegal nga droga.
Sa pagkakaron, anaa na sa kustodiya sa Kapalong MPS ang suspek alang sa booking, dokumentasyon, ug pag-atubang sa kasong paglapas sa balaod batok sa ilegal nga droga.(Camille Santos Naraga)(Source: Contributed)