35.9 C
Manila
Saturday, April 20, 2024

Zamboanga: Fuerza Naval ya salva un lancha con 120 pasajeros

- Advertisement -

Un lancha que ta transporta mas o menos 120 pasajeros ya salva el Fuerza Naval despues que ya man aberia este na medio’y mar, asegun con el Naval Forces Western Mindanao (NFWM) del Miercoles.

Asegun con el NFWM, con el lancha nombrao como el Den Russel ya puede salva mga personajes del Fuerza Naval mga alas 9:22 del Martes aga un milla nautica oeste del Isla de Lampinigan, provincia del Basilan.

Asegun con el NFWM, ya puede sabe el Littoral Monitoring Station del NFWM na municipio de Hadji Muhtamad, Basilan cay Den Russel ta navega desde’l Isla de Dungon na municipio de Banguingui, Sulu para aqui na ciudad de Zamboanga cuando ya man aberia el makina del lancha.

El NFWM enseguidas ya responde con el llamada de auxillo y ya designa con el BRP-Ivatan para auxilla y ayuda con el Den Russel.

Por causa del clima desfavorable, enseguidas ya hila con el lancha el BRP-Ivatan para na Estacion Naval Romulo Esplandon, el quartel del NFWM, aqui na ciudad de Zamboanga.

El lancha ya enderesa para na un privado pantalan na Barangay Baliwasan y donde ya abaja mga pasajeros despues que ya puede compone con el makina del Den Russel.

Mientras tanto, si Rear Admiral Donn Anthony Miraflor, el comandante del NFWM, ya conseja con mga viajera na mar para asegura cay na buen condicion de ila varco o lancha antes de man viaje.

(B. Garcia, photo courtesy of Naval Forces Western Mindanao (NFWM))

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -