Davao del Sur– Sikop ang usa ka dayo sa Digos City human nagpahigayon ug Drug buy bust operation ang kapulisan sa pagpanguna ni PCapt. Diosdado Niones II sa Purok Durian, Barangay San Miguel, Digos City.
Giila ang suspek nga Roger Papasin Balbespinosa alyas “Dong”, 25 anyos ug dayo nahisgutang lugar.
Sumala sa report, napalitan ang suspek sa poseur buyer nga pulis og usa ka sachet nga naay sulod sa gituohang shabu ayha kini gidakop.
Dugang niini, dihang ilang gikapkapan ang suspek nasignitan pa gyud kini og laing 5 pa ka mga sachets nga adunay sulod sa gituohang shabu nga tanan-tanan mokantidad sa 14,100 pesos subay sa street value niini.
Apil sa nasignit sa mga pulis ang cellphone, cigarette pack ingon man buy bust money.
Gidala usab ang suspek ingon man ang mga ebidesya niini ngadto sa Regional Forensic Unit 11 alang sa laboratory ug drug test examination. (Camille Santos Naraga)
(Source: Digos PNP)