Davao City – Nagmalampusong nasikop sa pwersa sa Sasa Police Station ug Maritime Police ang usa ka 19 anyos nga lalaki atoll sa gikasang drug buy bust operation sa Kilometer 10, Sasa syudad sa Davao.
Giila sa kapulisan ang dinakpan nga si Hans Ryan Doronila Sumatra alyas “Hans”, 19 anyos ug residente sa Parola, Km. 10 Sasa.
Suma sa report, napalitan ang suspek sa pulis nga nagpaka aron ingnong buyer og illegal nga droga ingon man ang 2 ka sachets nga adunay sulod sa gituohang shabu nga mobalor sa 5,600 pesos isip street value.
Apil usab sa narekober sa kapulisan ang marked money ug singkwenta pesos nga gihuptan sa dinakpan.
Sa karon, Kasong paglapas sa Comprehensive Dangerous Drugs Act of 2002 ang atubangon sa suspek. (Camille Santos Naraga)
(Source: Sasa Police Station)