Nadakpan ang usa ka German national human kini giakusahan nga misulay pagpasulod og mokabat sa ₱55.3 milyon nga kantidad sa shabu sa nasud pinaagi sa pagtago niini sa sulod sa mga baga nga Bibliya.
Sumala sa mga awtoridad, nakit-an sa inspeksyon nga gikaykayan ug giukab ang sulod nga bahin sa mga Bibliya aron matago ang shabu nga giputos sa plastik ug duct tape. Nadiskubre ang iligal nga droga sa panahon sa routine inspection sa Ninoy Aquino International Airport (NAIA) Terminal 3.
Miabot ang suspek sa nasud niadtong Pebrero 13, ug dayon gi-intercept sa mga personnel sa Bureau of Customs ug uban pang law enforcement agencies.
Gipadayon karon ang imbestigasyon batok sa suspek samtang gisalmutan ang posibleng mga kauban ug ang tinubdan sa iligal nga droga.