Nahulog gikan sa iyang gisakyang multicab ang usa ka batang lalaki sa Barangay Sto. Niño, Talaingod, Davao del Norte, alas 1:00 sa hapon niadtong Sabado, Pebrero 14, 2026.
Gilayon nga rumesponde ang Talaingod Municipal Disaster Risk Reduction and Management Office (MDRRMO) ug Bureau of Fire Protection (BFP) Talaingod aron i-rescue ang biktima. Gihatod ang bata sa usa ka ospital sa Tagum City alang sa medikal nga pag-atiman human makaangkon og samad sa ulo.
Sumala sa MDRRMO Talaingod, naglingkod sa likod sa pick-up type multicab ang biktima ug aksidenteng natagak samtang nagdagan ang sakyanan.
Padayon pa ang imbestigasyon sa kapulisan ug lokal nga awtoridad aron mahibal-an ang dugang detalye sa maong insidente.