Digos City, Davao del Sur — Nasikop sa hiniusang buy-bust operation sa Philippine Drug Enforcement Agency Regional Office 11 (PDEA RO 11) ug Provincial Drug Enforcement Unit sa Davao del Sur Police Provincial Office ang usa ka empleyado sa gobyerno niadtong Hunyo 8, 2026, alas-3:03 sa hapon sa Bus Terminal, Purok 7-A, Barangay Aplaya, Digos City.
Giila ang suspetsado pinaagi sa alyas nga “Bossing,” 64 anyos ug empleyado sa City Government of Digos. Nadakpan siya human gituohang namaligya og usa ka heat-sealed transparent plastic sachet nga adunay sulod nga gidudahang shabu nga nagkantidad og ₱7,000 ngadto sa usa ka operatiba sa PDEA nga nagpanggap og buyer.
Narekober usab sa operasyon ang duha pa ka heat-sealed transparent plastic sachet nga adunay sulod nga gidudahang shabu, nga adunay kinatibuk-ang gibug-aton nga 10 gramo ug gibanabanang street value nga ₱68,000. Nakuha usab sa mga operatiba ang marked buy-bust money nga gigamit sa operasyon.
Atubangon sa suspetsado ang kasong paglapas sa Republic Act No. 9165 o ang Comprehensive Dangerous Drugs Act of 2002, sumala sa PDEA. .(Camille Santos Naraga)(Source: Contributed)