Nasikop ang usa ka 43-anyos nga motorsiklo mekaniko human madakpan sa usa ka buy-bust operation nga gipahigayon sa mga operatiba sa Philippine Drug Enforcement Agency Regional Office 11 (PDEA RO 11) sa Purok Lanzones, Barangay Visayan Village, Tagum City, Davao del Norte, alas 2:43 sa kaadlawon niadtong Hunyo 9, 2026.
Giila ang suspetsado pinaagi sa alyas nga “Archie,” nga nadakpan human gituohang namaligya og usa ka heat-sealed transparent plastic sachet nga adunay sulod nga gidudahang shabu nga nagkantidad og ₱7,000 ngadto sa usa ka operatiba sa PDEA nga nagpanggap og buyer.
Narekober usab gikan sa suspetsado ang tulo pa ka heat-sealed transparent plastic sachet nga adunay sulod nga gidudahang shabu nga adunay kinatibuk-ang gibug-aton nga mga tulo ka gramo ug gibanabanang street value nga ₱21,000, lakip na ang marked buy-bust money.
Atubangon sa suspetsado ang kasong paglapas sa Republic Act No. 9165 o ang Comprehensive Dangerous Drugs Act of 2002, sumala sa PDEA.(Camille Santos Naraga)(Source: Contributed)