- Advertisement -
Arestado ang usa ka alyas madame human kini napalitan og shabu atol sa gikasang drug buy-bust operation sa mga sakop sa Ma-a Police Station sa Purok 17 Datu Loho St. Brgy. Ma-a, Davao City.
Giila ang suspek nga si alyas Madame, 29 anyos, Top 4 drug watchlist, usa ka utility ug residente sa Purok 1 Mabini St. Brgy. 37-D Boulevard.
Nakuha sa suspek ang iligal nga droga nga mutimbang og 90.01 grams ug nagkantidad sa kapin sa og P612,068 pesos.
Sa karon, himas rehas ang suspek ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
(Camille Santos Naraga)
(Source: Davao City Police Office)
- Advertisement -