DAVAO CITY – Wa mapakyas ang pipila ka Overseas Filipino Workers (OFWs) sa Hong Kong nga makita ug makadool kang kanhi Pangulo Rodrigo Duterte.
Tungod sa kadaghan sa mga tawo, daghan sa ilang mga kababayan ang wala na makasulod sa Southorn Stadium, Wan Chai, Hong Kong atol sa thanksgiving event kagahapong adlawa, Dominggo, Marso 9, 2025.
Bisan pa niana, migahin og panahon ang kanhi pangulo aron muduol ug mangumusta sa mga Pinoy nga nagpaabot kaniya sa gawas.
Nagpabiling malipayong nagpaabot ang mga OFWs, nga mapasalamaton nga nakita ug nakadawat og saludo gikan kang kanhi Pangulo Duterte. (Camille Santos Naraga)(Source: Contributed)