DAVAO CITY – Nagpakita og kabalaka ug lain-laing reaksyon ang mga netizens sa Davao tungod sa balita sa nasyunal nga mantalaan nga may kalabutan sa pagpakatag og 7,000 ka mga pulis aron dakpon si kanhi Pangulong Rodrigo Duterte. Kini human giingong nagpagawas og red notice ang Interpol.
Sumala sa report, atngan kuno ang pag-abot sa kanhi pangulo gikan sa Hong Kong, nga nakapadugang sa tensyon sa mga taga-Davao.
Mas nagpalala sa kabalaka sa publiko ang presensya sa mga sakop sa Criminal Investigation and Detection Group (CIDG) sa Davao International Airport, diin ang uban kanila nasinahan nga nagdala pa og full battle gear.
Apan, matod ni Regional Police Office-Davao Spokesperson PMaj. Catherine Dela Rey, ang pagdaghan sa mga pulis sa palibot sa airport usa lamang ka simulation exercise (Simex) nga may kalabutan sa pagpangandam sa umaabot nga 2025 national elections.