Miabot sa 22 ka mga indibidwal ang boluntaryong midonar ug dugo isip kabahin sa selebrasyon sa “Blood Donors’ Month” karong 2026, didto sa Raba, Godod, Zamboanga del Norte, niadtong Hulyo 18,2026.
Ang maong kalihokan gihimo pinaagi sa mga kawani sa DJRMH Blood Bank,inubanan sa RHU Godod nga gipangulohan ni Dr. Arzil Jhean C. Bucog (MHO) ug uban sa bug-os nga suporta sa Mayor sa Godod nga si Hon. Richie L. Uy sa nasangpit Community Blood Donation Drive.
Ang donasyon makatabang sa pagsiguro nga adunay suplay sa dugo nga makaluwas sa kinabuhi alang sa mga pasyente nga labing nagkinahanglan nga mga indibidwal sa komunidad.(MEDALYN U. BORJA)
Source: Djrmh Bloodbank