DAVAO CITY —Patay ang usa ka tricycle driver human nabalintong ang iyang gimanehong tricycle sa daplin sa Cotabato-Isulan Highway, Sitio Pangi, Barangay Taviran, Datu Odin Sinsuat, niadtong hapon sa Dominggo, Hunyo 15, 2025.
Giila ang biktima nga si alyas “Jepok”, residente sa Cotabato City.
Base sa kasayuran gikan sa mga nakasaksi, kusog ang dagan sa tricycle ug posibleng nawad-an og kontrol ang drayber, hinungdan sa pagbalintong niini. Nalagpot ang biktima gikan sa sakyanan ug nabangga ang ulo sa semento, nga maoy hinungdan sa iyang dihang kamatayon.
Gitabangan pa kining dalhon sa mga residente sa duol nga ospital apan gideklarar kini nga dead on arrival.
Nagpadayon ang imbestigasyon sa mga otoridad aron masuta ang tinuod nga hinungdan sa aksidente. (Camille Santos Naraga)(Source: Contributed)