DAVAO CITY — Gisugdan na karong adlawa, Lunes, Hunyo 16, 2025, ang pormal nga paghatag sa mga Certificate of Appreciation alang sa mga kauban ug partners sa Office of the Vice President (OVP) atol sa 2025 OVP Pasidungog awarding ceremony nga gipahigayon sa SMX Convention Center, SM Lanang, Davao City.
Ang maong seremonya gipangunahan mismo ni Vice President Sara Duterte, nga misalmot sa pagpanghatag og pasidungog sa mga institusyon, organisasyon, ug mga indibidwal nga nagsuporta sa pagpatuman sa nagkalain-laing programa sa OVP sa miaging tuig.
Gipasalamatan ni VP Duterte ang ilang mga partners tungod sa ilang padayong kooperasyon ug kontribusyon sa mga inisyatibo sa iyang buhatan, nga nagtinguha sa pagserbisyo sa katawhan, ilabina sa mga marginalized nga sektor sa katilingban.(Camille Santos Naraga)(Source: Contributed)