DAVAO CITY – Pasado alas otso sa buntag niadtong Biyernes, Enero 9, 2026, misugod ang Traslacion sa mga deboto ni Jesus Nazareno gikan sa San Alfonso Ma. de Ligouri Parish sa Mandug padulong sa Our Lady of Peñafrancia Chapel sa Tigatto, Davao City.
Ang maong kalihukan kabahin sa ika-11 nga pagsaulog sa kapistahan ni Jesus Nazareno sa maong lugar, nga gitambongan sa daghang mga deboto nga nagpakita sa ilang pagtuo ug debosyon.
Gibantayan sa kapulisan ug mga traffic personnel ang traslacion aron masiguro ang kahapsay ug kaluwasan sa mga deboto atol sa tibuok kalihukan.
Padayon ang pag-awhag sa mga otoridad sa publiko nga magpabiling malinawon, disiplinado, ug magtinabangay aron malikayan ang bisan unsang insidente.(Camille Santos Naraga)(Source: Contributed)