DAVAO CITY – Gisugdan na sa Ancillary Services Unit (ASU) ang unang operasyon sa bag-ong vacuum jetting truck sa Barangay 32-D, Padre Faura Street, Davao City.
Ang maong kagamitan gamiton sa adlaw-adlaw nga operasyon sa ASU aron limpiyohan ang mga kanal ug drainage system sa nagkalainlaing bahin sa siyudad, isip kabahin sa paningkamot sa lokal nga panggamhanan batok sa baha ug kalimpyo sa palibot.
Sumala sa ASU, dakong tabang ang vacuum jetting truck sa mas paspas ug mas epektibong pag-ayo ug paglimpyo sa mga baradong drainage, ilabi na sa mga lugar nga kanunay maapektuhan sa baha.
Gilauman nga pinaagi sa bag-ong kagamitan, mas mapalambo pa ang serbisyo sa kalimpyo ug disaster preparedness sa Davao City. (Camille Santos Naraga)(Source: Contributed)