DAVAO CITY – Nadakpan sa kapulisan ang giilang Top 9 sa regional level sa illegal nga droga atol sa pag-serve sa search warrant kagahapon sa udto, Hulyo 3, 2025, sa Purok 2, Barangay 2-A, ning syudad.
Ang maong search warrant giluwatan ni RTC Branch 11 Presiding Judge Rowena Apao-Adlawan batok sa suspetsado nga giila sa alyas “Olok”, 37 anyos.
Sa report sa kapulisan, napulo (10) ka sachet sa nagkalain-laing gidak-on nga adunay sulod nga gituohang shabu ang narekober gikan sa balay sa suspetsado, nga gibanabana og kantidad nga ₱95,200.
Dugang pa, nakuhaan usab kini og caliber .38 revolver ug mga bala.(Camille Santos Naraga)(Source: DCPO)