Davao City – Arestado ang 4 ka indibidwal human gikasa sa mga sakop sa Sasa Police Station sa pagpanguna ni Police Major Carol Jabagat, Station Commander ang drug buy bust operation sa Nakada Village, Brgy. Daliao, Toril District.
Giila ni Police Major Carol Jabagat ang mga dinakpan nga si alyas Orville, 36-anyos, Top 1 sa drug watchlist sa syudad ug ang asawa niini nga si alyas Maysheil 39-anyos kinsa mga residente sa Barangay Daliao, Toril District ug ang mag-igsuon nga Top 2 ug Top 4 sa drug watchlist nga silas alyas Jerry 36-anyos ug alyas Percy 38-anyos nga mga taga Dumoy Proper.
Nakuha sa posisyon sa mga suspek ang 42.26 grams nga gidaghanon sa shabu nga nagkantidad og P287,368 pesos.
Sa karon, himas rehas ang mga dinakpan ug magatubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: DCPO)