Arestado ang Top 1 Provincial Most Wanted Person sa Davao de Oro atol sa manhunt operation nga gihimo sa Barangay Tambongon, Pantukan niadtong Mayo 22, 2026.
Ang operasyon gipahigayon sa hiniusang pwersa sa Davao de Oro Police Provincial Office pinaagi sa 2nd Davao de Oro Provincial Mobile Force Company, kauban ang Pantukan Municipal Police Station, Provincial Intelligence Unit, Provincial Drug Enforcement Unit, ug R-PSB Cluster 10A.
Ang nadakpan, nga giila sa alyas “Bongcasir,” giakusahan og daghang kaso sa qualified rape batok sa menor de edad. Ang warrant of arrest gi-isyu sa Regional Trial Court Branch 57 sa Mabini, Davao de Oro ug walay piyansang gitakda.
Padayon karon nga gitipigan sa kustodiya sa Pantukan Municipal Police Station ang suspek alang sa tukmang proseso ug disposisyon.(Camille Santos Naraga)(Source: Contributed)