Nagpangandam ang pipila ka pampubliko ug pribadong eskwelahan sa Davao del Norte alang sa posibleng pagpatuman sa online ug blended learning tungod sa taas nga heat index niining miaging mga adlaw. Sumala sa pipila ka school officials, prayoridad nila ang kaluwasan sa mga estudyante ug magtutudlo.
Gitambagan ang mga eskwelahan nga siguruhong adunay igo nga bentilasyon ug access sa limpyo nga tubig ang mga estudyante samtang nagpadayon ang grabeng kainit. Aduna usab pipila ka eskwelahan nga nag-usab sa class schedules aron malikayan ang kusog nga sikat sa adlaw panahon sa udto.
Padayon usab nga gina-monitor sa Department of Education ug lokal nga panggamhanan ang kahimtang sa panahon aron dali makahatag og angay nga anunsyo. Ginaaghat usab ang mga ginikanan nga bantayan ang kahimsog sa ilang mga anak samtang nagpadayon ang ting-init.(Camille Santos Naraga)(Source: Contributed)