DAVAO CITY – Gipahibalo sa Local Government Unit (LGU) sa Tipo-Tipo ang pagsuspinde sa tanang klase ug trabaho sa gobyerno hangtod sa dugang nga pahibalo, tungod sa nagpadayon nga siguridad nga kahimtang sa maong lugar.
Sa opisyal nga pahibalo sa LGU, gihangyo ang mga residente nga magpabilin sa sulod sa ilang mga balay, magmatngon, ug unahon ang ilang kaluwasan samtang padayon nga gisubay sa mga otoridad ang sitwasyon sa lugar.
Gipasiguro usab sa mga lokal nga opisyal nga anaa na ang mga puwersa sa seguridad aron magbantay sa kalinaw ug kahusay ug aron maprotektahan ang mga sibilyan nga naapektuhan.
Sa pagkakaron, wala pay gipagawas nga detalyado nga impormasyon bahin sa kahimtang o klase sa hulga, apan giingon sa lokal nga gobyerno nga magpagawas sila og update sa dihang makumpirma na ang impormasyon.
Gihangyo usab sa LGU ang publiko nga magpabilin nga kalma ug makigkoordinar sa mga otoridad samtang nagpadayon ang mga operasyon sa seguridad.(Camille Santos Naraga)(Source: Contributed)