DAVAO CITY – Opisyal nga giablihan sa Tagum City ang El Anciano Elderly Filipino Week, usa ka kasaulogan nga gihatag alang sa pagpasidungog sa mga senior citizen pinaagi sa nagkalain-laing kalihokan, serbisyo, ug kalingawan.
Nagsugod ang selebrasyon pinaagi sa “Gandang Lola & Poging Lolo” nga opening program nga gihimo sa City Hall Atrium. Sukad Oktubre 1 hangtod 5, 2025, ipakita sa mga apohan ang ilang abilidad ug talento pinaagi sa nagkalain-laing kompetisyon ug kalihokan.
Gipasabot sa mga organizer nga kini nga kasaulogan usa ka higayon aron ihatag ang oras, kalipay, ug pag-atiman sa mga katigulangan nga dugay nang nag-amuma sa komunidad. .(Camille Santos Naraga)(Source: Contributed)