Nakig-partner ang Department of Public Works and Highways (DPWH) sa Blockchain Council of the Philippines (BCP) aron ilunsad ang Integrity Chain, usa ka blockchain-powered platform nga naglangkob sa transparency ug accountability sa mga nasyonal nga proyektong pang-imprastruktura.
Pinaagi sa usa ka Memorandum of Agreement nga gipirmahan niadtong Septiyembre 30, 2025, sila DPWH Secretary Vince B. Dizon ug BCP President Dr. Donald Patrick Lim mipanghimatuod sa pag-digitize sa budget, procurement, ug construction milestones pinaagi sa usa ka public ledger nga dili na mausab.
Matod pa ni Dizon, kini nga inisyatibo nagpakita sa kagustuhan sa gobyerno nga magpahigayon og accountability, diin ang mga foreign-assisted projects maoy unang iapil sa plataporma. Ang Integrity Chain adunay real-time public dashboard, citizen feedback tools, ug tamper-proof records aron malikayan ang korapsyon.
Nakadawat kini ug dakong suporta gikan sa civil society, business groups, ug international lenders sama sa JICA, ADB, ug World Bank, nga nagpondo sa dagkong proyekto sa DPWH ilawom sa “Build Better More” program.(Camille Santos Naraga)(Source: Contributed)