Nabalaka ang pipila ka vendors ug konsumidor sa Davao Oriental human mikunhod ang suplay sa utanon sa ilang mga pamilihan tungod sa pabago-bagong kondisyon sa panahon. Sumala sa mga mag-uuma, naapektuhan sa grabeng kainit ug kalit-kalit nga pag-ulan ang ilang mga tanoman niadtong milabayng mga semana.
Tungod sa limitado nga ani, nisaka usab ang presyo sa pipila ka utanon sama sa kamatis, repolyo, ug pechay sa mga lokal nga merkado. Matud sa pipila ka tindero, naglisod sila sa pagkuha og igo nga suplay gikan sa mga upland farming areas.
Padayon usab nga ginamonitor sa lokal nga panggamhanan ang presyo ug suplay sa mga produktong agrikultural aron malikayan ang kakulang sa merkado. Ginaestudyohan usab ang mga programa nga makatabang sa mga mag-uuma aron mapadayon ang produksiyon sa probinsya.(Camille Santos Naraga)(Source: Contributed)