DAVAO CITY – Gipahibalo sa mga otoridad nga ang sunog nga mitumaw sa building sa Department of Public Works and Highways (DPWH) – Bureau of Research and Standards (BRS) sa Quezon City niadtong Miyerkules, Oktubre 22, 2025, nagsugod umano sa paghulpa sa usa ka computer unit sulod sa Materials Testing Division.
Sumala sa DPWH, walay naangol nga tawo, ug walay dokumentong nadanyos nga may kalabotan sa nagpadayon nga imbestigasyon sa mga flood control projects.
Ang BRS nagserbisyo isip research arm sa departamento, nga nagahimo og mga pagtuon, pilot tests, ug nagmugna og mga polisiya alang sa mga inprastruktura nga proyekto sa gobyerno. (Camille Santos Naraga)(Source: Contributed)