Gipahigayon sa City Government sa Dipolog pinaagi sa City Social Welfare and Development Office (CSWDO) Tech4Ed Center, uban sa Department of Information and Communications Technology (DICT) Zamboanga del Norte, ang “Basic Digital Literacy” training sa Museo Dipolog niadtong Oktubre 20, 2025.
Mitambong sa kalihukan si Assistant CSWDO Officer Jovencia D. Gregory ug si City Administrator Atty. Valerie Hope Jauculan-Flores nga misalimuot sa ngalan ni City Mayor Roberto Y. Uy.
Ang maong pagbansay gitumong aron mapaayo ang digital skills sa mga lumulupyo ug mapalapdan ang akses sa teknolohiya ug impormasyon sa dakbayan.(Jeniffer Jr. Delica)
Source/Photo Courtesy: Dipolog City Government