DAVAO CITY – Gisugo ni Public Works Secretary Vince Dizon ang National Bureau of Investigation (NBI) ug pipila ka pribadong organisasyon nga maghimo og komprehensibong background check sa mga bag-ong gitudlong opisyal sa Department of Public Works and Highways (DPWH) aron masiguro ang transparency ug integridad sa ahensya.
Sa mga sulat nga gipadala ngadto ni NBI Director Jaime Santiago, ICD Chair Benedicta Baladad, MAP President Alfredo Panlilio, ug PCCI President Enunina Mangio, gisulti ni Dizon nga makigkoordinar ang DPWH sa NBI ug pribadong sektor aron susihon ang background sa 14 ka executives, gikan sa mga undersecretary hangtod assistant secretary. (Camille Santos Naraga)(Source: Contributed)