DAVAO CITY – Misilaob ang sunog sa Davao Convention Center sa buntag sa Lunes, Hunyo 8, nga nakapahagit sa dayong pagresponde sa mga bombero ug uban pang emergency responders.
Matod sa mga awtoridad, gilayon nga gihimo ang firefighting operations aron mapugngan ang pagkaylap sa kalayo ngadto sa ubang bahin sa pasilidad. Sa pagkakaron, padayon pa ang operasyon sa mga responder aron hingpit nga makontrol ang sunog.
Wala pa gipahibalo sa mga awtoridad ang hinungdan sa sunog ug padayon pa usab ang pag-assess sa gidak-on sa kadaot nga nahatag sa insidente.
Sa pagkakaron, wala pa’y opisyal nga impormasyon bahin sa posibleng mga naangol o namatay tungod sa maong hitabo.
Gilauman nga adunay dugang nga detalye nga ipagawas samtang nagpadayon ang imbestigasyon.(Camille Santos Naraga)(Source: Contributed)