DAVAO CITY – Human sa iyang pagbisita sa Barangay Opao sa Mandaue, miadto si Senador Bato Dela Rosa sa Tiltilon Elementary School sa Barangay Cotcot, Liloan kaniadtong Nobyembre 6 aron personal nga ipanghatag ang relief assistance sa mga naapektuhan sa Typhoon Tino.
Gipanghatag sa senador ang mga food packs, tubig, ug uban pang pangunahing gamit aron matabangan ang mga biktima sa ilang pang-adlaw-adlaw nga panginahanglan human sa bagyo.
Ang relief operation gihimo dili lamang pinaagi sa opisina ni Sen. Dela Rosa apan uban usab sa suporta sa mga boluntaryo ug donors gikan sa Mindanao, lakip na ang mga naggikan sa Davao, Cagayan de Oro, ug Bukidnon.
Nagpasalamat ang mga residente sa Liloan sa maong tabang, ug giingon nila nga kini dako kaayong tabang aron makabangon gikan sa kadaut nga dala sa bagyo.(Camille Santos Naraga)(Source: Senator Ronald “Bato” Dela Rosa)