Gipahigayon sa Department of Agrarian Reform (DAR) Zamboanga del Norte ubos sa pangulo ni PARPO II Daisy Dell Suan Digamon ang Commission on Audit (COA) Entrance Conference alang sa 2025 Audit sa Project SPLIT niadtong nilabayng adlaw sa Missio Dei Hotel, Dipolog City. Mitambong ang mga opisyal sa COA nga sila Regional Supervising Auditor Lilibeth N. Rugayan, OIC-Audit Team Leader Barbara Beatriz C. Molejon, ug ubang miyembro sa audit team.
Gitumong sa maong kalihokan ang pagpalig-on sa transparency, accountability, ug maayong pagdumala sa pondo publiko sa implementasyon sa Project SPLIT. Gipresentar sa COA team ang audit scope, objectives, ug documentary requirements samtang gipalig-on usab sa DAR officials ang ilang paningkamot sa pagsunod sa audit compliance ug husto nga paggamit sa pondo sa gobyerno.
Kini nga kalihokan nagtimaan sa opisyal nga pagsugod sa audit process para sa CY 2025, nga naghatag direksyon padulong sa mas lig-on nga financial integrity, operational efficiency, ug maayong pangagamhanan sa DAR Zamboanga del Norte.(JENIFFER JR. DELICA)
Source/Photo Courtesy: DAR Zambonorte