Gipangunahan sa Godod Municipal Police Station ubos sa liderato ni PCPT Ricky Orog Acas ang usa ka Strong Police Presence operation uban ang 2nd ZNPMFC, Bureau of Fire Protection, ug MDRRMO didto sa Barangay Lomogom, Godod, Zamboanga del Norte.
Gidiskusyonan sa mga ahensya ang epekto sa ilegal nga droga, crime scene response, Katarungang Pambarangay, Anti-Rape Law (RA 8353), RA 9262, ug uban pang isyu kabahin sa kalinaw ug seguridad. Nagpahigayon usab sila og information drive pinaagi sa pag-apod-apod og flyers aron mapalapdan ang kasayuran sa mga residente.
Tungod sa maong operasyon, usa ka improvised shotgun nga walay serial number ug marka ang boluntaryong gisurender, samtang nakarekober usab og abandonadong kahoy. Ang kalihokan nagpalig-on sa kampanya batok sa krimen ug nagdasig sa paghiusa sa komunidad aron magpuyo sa luwas ug malinawon nga palibot.(JENIFFER JR. DELICA)
Source/Photo Courtesy: Godod Municipal Police Station ZNPPO