DAVAO CITY – Mireklamo sa kapulisan ang usa ka 32-anyos nga rider human siya giingong gitulis sa Zone 3, San Antonio, Buhangin, Davao City, mga alas 11:45 sa buntag niadtong Hulyo 10, 2025.
Ang biktima nga giila sa alyas Reil, mitug-an nga misulod siya sa lugar aron kuhaon ang usa ka parcel gikan sa iyang kauban. Apan samtang pabalik na siya sa iyang motorsiklo, kalit siyang gidool sa usa ka lalaki nga nagsul-ob og itom nga jacket ug itom nga shorts ug giingong mitutok og pistola sa iyang tiyan.
Giilog sa suspek ang iyang sling bag nga naglangkob og: P6,500 nga cash, Honor cellphone nga nagkantidad og P24,000 ug P1,800 nga GCash balance
Human sa tulis, misakay ang suspek sa usa ka blue ug black nga XRM motorcycle nga walay plate number, nga gitaho nga naghulat og pipila ka metro gikan sa lugar. Gidiretsuhan nila ang Barangay Angliongto.
Padayon ang imbestigasyon sa Buhangin Police Station aron mailhan ug madakpan ang mga alegasyong tulisan. (Camille Santos Naraga)(Source: Contributed)