DAVAO DEL NORTE – Nagpahayag og hilabihang kasubo si Tagum City Mayor Rey T. Uy sa pagkamatay sa usa ka 19-anyos nga dalaga, nga gipatay sulod sa ilang balay sa Purok 3A, Barangay La Filipina, Tagum City, niadtong Hulyo 9 sa kaadlawon.
Niadtong Hulyo 10, si Mayor Uy personal nga nakigsulti kang PLtCol Frederick Deles, Officer-in-Charge sa Tagum City Police Station, ug nahibaw-an nga nadakpan na ang duha sa mga menor-de-edad nga suspek sa maong brutal nga krimen.
Giawhag usab ni Mayor Uy ang publiko nga magbantay ug motaho dayon sa mga katahapang lihok o mga tawo sa ilang palibot.
Mipasalamat siya sa Davao del Norte Police Provincial Office ug sa Tagum City Police Station sa ilang padayon nga paningkamot aron madakpan ang uban pa nga nalambigit sa krimen.(Camille Santos Naraga)(Source: Contributed)