DAVAO CITY – Patay ang usa ka pulis samtang nasamdan ang laing kauban niini human nangilog og pistola ang usa ka suspetsado sulod mismo sa Carmona City Police Station sa buntag sa Miyerkules, Hulyo 2, 2025.
Ang napatay nga pulis giila nga si Police Master Sergeant (PMSg) Joel Mendoza, samtang ang nasamdan mao si Police Staff Sergeant (PSSg) Joseph Martin Fabula.
Sumala sa imbestigasyon, ang suspetsado nga bag-o lang nakagawas sa Prison and Penal Farm niadtong Hunyo 28, gidala sa presinto tungod sa reklamo sa trespassing. Apan, sa dihang nagdumili na ang complainant sa pagpadayon sa kaso ug samtang ginadokumentohan ang insidente, kalit nangilog og pistola ang suspek ug namusil sa sulod sa presinto.
Naigo sa pusil ang duha ka pulis, hinungdan sa kamatayon ni PMSg Mendoza ug samad kang PSSg Fabula.
Napugngan ra ang dugang kasamok human mapusil ug mapatay sa mga kauban nga pulis ang suspetsado. (Camille Santos Naraga)(Source: Contributed)