DAVAO CITY – Usa ka lalaki ang naangol human dunggaba sa iyang hubog nga silingan sa alas 12:35 sa kaadlawon, Hulyo 3, 2025, didto sa Purok 6, Barangay Communal.
Ang biktima giila lamang sa alyas Marvin, 33 anyos, samtang ang suspek mao si alyas Norberto, 38 anyos.
Matud sa imbestigasyon, kalit lang gidunggab ni Norberto si Marvin sa walang paa. Human sa insidente, misibat ang suspek sakay sa motorsiklo, apan tungod sa tumang kahubog, nahaybol kini ug nawad-an og panimuot, rason nga dali siyang nadakpan sa mga barangay tanod.
Gidala dayon sa ospital ang suspek ug ang biktima alang sa medikal nga atensyon.(Camille Santos Naraga)(Source: Contributed)