Nag-apod-apod og tabang ang PPP Partylist nga gipangulohan ni Congressman Harold Duterte ngadto sa mga pamilyang naapektuhan sa baha sa San Vicente, Barangay Talomo, Davao City.
Lakip sa gipanghatag ang inuming tubig, hygiene kits, ug kapin sa 4,500 ka litro sa limpyo nga tubig nga nakabenepisyo sa dul-an sa 200 ka mga pamilya nga naapektuhan sa pagbaha.
Gipasalamatan usab sa PPP Partylist ang Team Jaguar sa Catalunan Pequeño ug ang Barangay Disaster Risk Reduction and Management Council (BDRRMC) sa Barangay Lizada tungod sa ilang suporta sa pagpahigayon sa relief operation.
Matod ni Congressman Duterte, ang maong misyon nagpakita sa kalig-on sa mga Dabawenyo ug sa espiritu sa bayanihan, diin nagtinabangay ang komunidad, mga boluntaryo, ug nagkalain-laing organisasyon aron matabangan ang mga naapektuhan sa bag-ohay nga pagbaha.(Camille Santos Naraga)(Source: PPP Partylist)