Gipailalom sa duha ka adlaw nga Gun Handling ug Firearms Proficiency Training ang mga personnel sa Davao del Norte Provincial Rehabilitation Center (DPRC) aron mapalig-on ang ilang kahibalo, disiplina, ug kahanduraw sa husto nga paggamit ug pagdumala sa mga armas.
Ang maong pagbansay kabahin sa padayon nga inisyatibo sa DPRC nga mas mapauswag ang propesyonalismo ug kahusayan sa mga correctional personnel sa pagtuman sa ilang mga responsibilidad.
Nahimong posible ang kalihokan pinaagi sa suporta ni Governor Edwin I. Jubahib ug Vice Governor Clarice T. Jubahib, ubos sa pagpangulo ni Provincial Warden Juaren V. Matulac.
Nagsilbi usab nga resource instructor si PCMS Jonathan Gulane, kinsa mitudlo sa mga partisipante pinaagi sa praktikal nga demonstrasyon ug pagpaambit sa iyang kahibalo ug kasinatian sa husto nga pagdumala sa armas.
Sumala sa DPRC, ang maong pagbansay kabahin sa ilang padayon nga paningkamot sa pagpalig-on sa kahanduraw sa ilang mga personnel ug sa paghatag og episyente, propesyonal, ug responsableng correctional service alang sa kaluwasan sa komunidad.(Camille Santos Naraga)(Source: Contributed)