Iti ili ti Solsona Ti Gobierno Munisipal ti Solsona, babaen ti Municipal Gender and Development (GAD) Office, sibaballigi a naisayangkat ti Training on GAD Concepts, Principles, Planning, and Budgeting iti RHU Function Hall. Panggep ti aktibidad a papigsaen ti pannakaammo ken kapasidad dagiti opisial ken empleado ti munisipio kadagiti kangrunaan a konsepto ken prinsipio ti Gender and Development, bayat a mapasayaat ti pannakaawatda iti gender-responsive planning ken budgeting. Babaen iti daytoy a gannuat, patalgedan manen ti Munisipio ti panagkumitna a mangitandudo iti panagpapada ti sekso, inclusive governance, ken ti epektibo a pannakaikameng ti GAD kadagiti lokal a pagalagadan, programa, ken serbisio para iti pagimbagan ti tunggal Solsonian. By: Niña Tabilos