DAVAO OCCIDENTAL – Makita sa mga hulagway ang sitwasyon sa pipila ka mga lugar sa lungsod sa Jose Abad Santos human sa magnitude 7.8 nga linog nga mitay-og sa Mindanao niadtong Hunyo 8, 2026.
Tungod sa epekto sa kusog nga linog, naapektuhan usab ang serbisyo sa kuryente sa maong lugar. Sa pagkakaron, padayon ang paningkamot sa Davao del Sur Electric Cooperative (DASURECO) aron mapasig-uli sa labing dali nga panahon ang power supply sa mga apektadong komunidad.
Nagpadayon usab ang pag-assess sa mga kadaot nga nahatag sa linog samtang gimonitor sa lokal nga kagamhanan ug mga ahensya ang kahimtang sa mga residente.
Giawhag sa mga awtoridad ang publiko nga magpabiling alerto ug mosunod sa mga safety advisory ilabina sa posibilidad sa mga aftershocks.(Camille Santos Naraga)(Source: Contributed)